ತಾಜ್‌ಮಹಲ್‌ ನೋಡಲು ಇದೀಗ ಭಾರಿ ಬೆಲೆ ತೆರಬೇಕಾಗಿ ಬಂದಿದೆ. ಈ ವರೆಗೆ 50 ರೂ.ನಲ್ಲಿ ಮುಖ್ಯ ವಸ್ತು ಪ್ರದರ್ಶನದ ಭಾಗಕ್ಕೆ ತೆರಳಲು ಅವಕಾಶ ನೀಡಿದ್ದ ಭಾರತೀಯ ಪುರಾತತ್ವ ಇಲಾಖೆ, ಈ ಎಂಟ್ರಿ ಫೀಸ್‌ ಅನ್ನು ಒಮ್ಮಿಂದೊಮ್ಮೆಲೇ 5 ಪಟ್ಟು ಹೆಚ್ಚಿಸಿದೆ. ಪ್ರಸ್ತುತ ತಾಜ್‌ಮಹಲ್‌ ಒಳ ಪ್ರವೇಶಕ್ಕೆ ಭಾರತೀಯರು ಬರೋಬ್ಬರಿ 250 ರೂ. ಪಾವತಿಸಬೇಕಾಗಿದ್ದು, ಅದೇ ವಿದೇಶಿಗರು 1300 ರೂ.ಗಳನ್ನು ನೀಡಬೇಕಾಗಿದೆ. ಅಲ್ಲದೆ ಸಾರ್ಕ್‌ ರಾಷ್ಟ್ರದ ಪ್ರಜೆಗಳು 540 ರೂ. ಬದಲಾಗಿ 740 ರೂ. ನೀಡಿ ತಾಜ್‌ಮಹಲ್‌ ಮುಖ್ಯ ಮ್ಯೂಸಿಯಂ ಪ್ರವೇಶಿಸಬೇಕಿದೆ.