ನವದೆಹಲಿ:

ಭಾರತ ರಸ್ತೆಗಳಲ್ಲಿ  ಒಂದು ಕಾಲದಲ್ಲಿ  ಅಬ್ಬರಿಸಿದ್ದ, ಜನಪ್ರಿಯ ಬೈಕ್​ ಜಾವಾದ ಪುನಾರಾಗಮನವಾಗುತ್ತಿದೆ. ನವೆಂಬರ್​ 15ರಂದು ಬೈಕ್​ನ ಹೊಸ ಮಾಡೆಲ್  ಅನಾವರಣಗೊಳ್ಳಲಿದೆ. ಆ ಕ್ಷಣಕ್ಕಾಗಿ ಜಾವಾ ಪ್ರಿಯರು ತುದಿಗಾಲಲ್ಲಿ ನಿಂತಿದ್ದಾರೆ.ಜಾವಾ ಮೋಟಾರ್​ ಸೈಕಲ್​ ಅ ಭಾರತಕ್ಕೆ ಪುನರ್​ ಪರಿಚಯಿಸುವ ಮಹತ್ವಾಕಾಂಕ್ಷೆ ಹೊಂದಿರುವ ಮಹೀಂದ್ರಾ ಕಂಪನಿ ಕಳೆದ ವಾರವಷ್ಟೇ ಉದ್ದೇಶಿತ ಹೊಸ ಮಾದರಿಯ ಜಾವಾ ಎಂಜಿನ್​ ಅನ್ನು ಬಿಡುಗಡೆ ಮಾಡಿತ್ತು.

ಹಳೆ ಶೈಲಿಯ, ಅತ್ಯಾಧುನಿಕ ತಂತ್ರಜ್ಞಾನದ ಎಂಜಿನ್​ ಬೈಕ್​ ಪ್ರಿಯರ ಮನಸೂರೆ ಮಾಡಿತ್ತು. ಎಂಜಿನ್​ಗೇ ಫಿದಾ ಆಗಿದ್ದ ಯುವ ಸಮುದಾಯ ಸಂಪೂರ್ಣ ಬೈಕ್​ನ ದರ್ಶನಕ್ಕಾಗಿ ಕಾದು ಕುಳಿತಿರುವಾಗಲೇ ಮಹೀಂದ್ರಾದಿಂದ ಸಂತಸದ ಸಂಗತಿಯೊಂದು ಹೊರ ಬಿದ್ದಿದೆ. ಬರುವ ತಿಂಗಳು, ಅಂದರೆ, ನವೆಂಬರ್​ 15ರಂದು ಬೈಕ್​ನ ಹೊಸ ರೂಪವನ್ನು ಅನಾವರಣ ಮಾಡುವುದಾಗಿ ಮಹೀಂದ್ರಾ ಘೋಷಿಸಿದೆ.

ಹೀಗಾ ಭಾರತದ ರಸ್ತೆಗಳಲ್ಲಿ ಅಬ್ಬರಿಸುತ್ತಿರುವಫೀ ರಾಯಲ್ ಎನ್ ಫೀಲ್ಡ್​ ​ ಕಾಂಪಿಟೇಷನ್ ಎಂದೇ ಬಿಂಬಿತವಾಗಿದ್ದು, ಭಾರತೀಯ ಯುವ ಸಮುದಾಯದಲ್ಲಿ ಹೆಚ್ಚಿನ ನಿರೀಕ್ಷೆಗಳೂ ಇವೆ. ಜಾವಾ ಕಂಪನಿ 1990ರಲ್ಲೇ ಭಾರತದಲ್ಲಿ ತನ್ನ ಬೈಕ್​ಗಳ ಉತ್ಪಾದನೆ ಮತ್ತು ಮಾರಾಟವನ್ನು ನಿಲ್ಲಿಸಿತ್ತು. ಅದರೊಂದಿಗೆ ಹಳೇ ಜಾವಾ ಬೈಕ್​ಗಳು ವಿಂಟೇಜ್​, ರೆಟ್ರೋ ಮಾದರಿಗಳಾದವು. ಮೂರು ದಶಕಗಳ ಹಿಂದೆ ಜಾವಾ ಭಾರತದಲ್ಲಿ ತನ್ನ ಸದ್ದು ನಿಲ್ಲಿಸಿತ್ತಾದರೂ, ಅದರ ಅಭಿಮಾನಿ ಬಳಗಕ್ಕೇನೂ ಕಡಿಮೆ ಇರಲಿಲ್ಲ. ಈಗಲೂ ಅದಕ್ಕೆ ದೇಶಾದ್ಯಂತ ಅಭಿಮಾನಿಗಳಿವೆ. ಜಾವಾ ಕ್ಲಬ್​ಗಳಿವೆ. ಅಗಾಗ್ಗೆ ಅಭಿಮಾನಿಗಳೆಲ್ಲ ಕೂಡಿ ಅದರ ನೆನಪುಗಳನ್ನು ಮೆಲುಕು ಹಾಕುತ್ತಲೇ ಇರುತ್ತಾರೆ. ಆದರೆ, ಇಷ್ಟು ದಿನ ಸೀಮಿತವಾಗಿದ್ದ ಜಾವಾ ಕ್ಲಬ್​ನ ಸದಸ್ಯತ್ಯ ಹೊಸ ಬೈಕ್​ನ  ಎಂಟ್ರಿಯಿಂದ  ಮತ್ತಷ್ಟು ಹಿಗ್ಗುವುದಂತೂ ಪಕ್ಕಾ……