ನವದೆಹಲಿ:
100 ಕೋಟಿ ವ್ಯಾಕ್ಸಿನ್​​ ಹಾಕುವ ಮೂಲಕ ಭಾರತವು ವಿಶ್ವ ದಾಖಲೆ ನಿರ್ಮಾಣ ಮಾಡಿದೆ. ನಿನ್ನೆ ಸಂಜೆವರೆಗೆ ದೇಶಾದ್ಯಂತ 99 ಕೋಟಿ 70 ಲಕ್ಷ ಡೋಸ್​ ಹಾಕಲಾಗಿದೆ. ಇವತ್ತು 100 ಕೋಟಿ ಡೋಸ್​ ಆಗಲಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರ ನೇತೃತ್ವದಲ್ಲಿ ಸಂಭ್ರಮಿಸಲಾಗುತ್ತದೆ. ದೆಹಲಿಯ ಕೆಂಪುಕೋಟೆಯಲ್ಲಿ 1400 ಕೆಜಿ ತೂಗುವ ಖಾದಿ ತ್ರಿವರ್ಣ ಧ್ವಜ ಪ್ರದರ್ಶಿಸಲಾಗುತ್ತದೆ. ಈವರೆಗೆ ಶೇಕಡಾ 77ರಷ್ಟು ವಯಸ್ಕರಿಗೆ ಮೊದಲ ಡೋಸ್ ಹಾಗೂ ಶೇಕಡಾ 31ರಷ್ಟು ಜನರಿಗೆ ಪೂರ್ಣ ಪ್ರಮಾಣದ ವ್ಯಾಕ್ಸಿನ್​ ನೀಡಲಾಗಿದೆ. ಗ್ರಾಮೀಣ ಪ್ರದೇಶದಲ್ಲಿ ಶೇ.65ರಷ್ಟು ವ್ಯಾಕ್ಸಿನ್​​ ಹಾಕಲಾಗಿದೆ. 100 ಕೋಟಿ ವ್ಯಾಕ್ಸಿನ್​ ದಾಖಲೆ ಐತಿಹಾಸಿಕವಾಗಿಡಲು ದೇಶಾದ್ಯಂತ ಐತಿಹಾಸಿಕ ಸ್ಥಳಗಳಲ್ಲಿ ತ್ರಿವರ್ಣ ದೀಪಾಲಂಕಾರ ಮಾಡಲಾಗಿದೆ. 8 ರಾಜ್ಯಗಳು 6 ಕೋಟಿ ಡೋಸ್​ ಗಡಿ ದಾಟಿವೆ. ಉತ್ತರಪ್ರದೇಶದಲ್ಲಿ 12 ಕೋಟಿ, ಮಹಾರಾಷ್ಟ್ರದಲ್ಲಿ 9 ಕೋಟಿ, ಪಶ್ಚಿಮ ಬಂಗಾಳದಲ್ಲಿ 6.68 ಕೋಟಿ, ಗುಜರಾತ್​ನಲ್ಲಿ 6.73 ಕೋಟಿ, ಮಧ್ಯಪ್ರದೇಶದಲ್ಲಿ 6.67 ಕೋಟಿ, ಬಿಹಾರ 6.30 ಕೋಟಿ ಮತ್ತು ಕರ್ನಾಟಕದಲ್ಲಿ 6.13 ಕೋಟಿ ಡೋಸ್​ ವ್ಯಾಕ್ಸಿನ್​​ ಹಾಕಲಾಗಿದೆ. ಜನವರಿಯಲ್ಲಿ ವಾರಿಯರ್ಸ್​ಗೆ ವ್ಯಾಕ್ಸಿನ್​ ನೀಡಿದ್ದ ಭಾರತ ಮಾರ್ಚ್​1ರಿಂದ ವ್ಯಾಕ್ಸಿನೇಷನ್​ ಅಭಿಯಾನ ಆರಂಭಿಸಿತ್ತು. 7 ತಿಂಗಳಲ್ಲಿ 100 ಕೋಟಿ ವ್ಯಾಕ್ಸಿನ್​​​​​​ ನೀಡಿದೆ. 210 ದಿನಗಳಲ್ಲಿ ಈ ಸಾಧನೆ ಮಾಡುವ ಮೂಲ ವರ್ಲ್ಡ್ ರೆಕಾರ್ಡ್ ಮಾಡಿದೆ……..