ಗ್ಯಾಡ್ಜೆಟ್ಸ್:

Axon ಸರಣಿಯು 16GB RAM ಮತ್ತು 1TB ಆಂತರಿಕ ಸಂಗ್ರಹಣೆಯ ಉನ್ನತ ದರ್ಜೆಯ ಸಂರಚನೆಯೊಂದಿಗೆ ಲಭ್ಯವಿದೆ. ಆದರೆ ಮುಂಬರುವ ಆವೃತ್ತಿಯೊಂದಿಗೆ, ಚೈನೀಸ್ ಕಂಪನಿ ಈ ಫೋನ್‌ನ RAM ಅನ್ನು 2GB ಯಷ್ಟು ವಿಸ್ತರಿಸಲಿದೆ. 18GB RAM ಆಯ್ಕೆಯಲ್ಲಿ ಬರಲಿದೆ. ZTE ಯ ಆಕ್ಸನ್ 30 ಸರಣಿಯು ಸದ್ಯ ಜನಪ್ರಿಯತೆ ಪಡೆಯುತ್ತಿರುವ ಸ್ಮಾರ್ಟ್​ಫೋನ್ ಸಾಲಿನಲ್ಲಿದೆ. ಈ ಶ್ರೇಣಿಯಲ್ಲಿ, ZTE ಆಕ್ಸಾನ್ 30 ಅಲ್ಟ್ರಾ ಪ್ರಮುಖ ಮಾದರಿಯಾಗಿದ್ದು, ಕಂಪನಿಯು ಇದೀಗ ಹೊಸ ರೂಪಾಂತರವನ್ನು ಪ್ರಾರಂಭಿಸಲು ಸಿದ್ಧತೆ ನಡೆಸುತ್ತಿದೆ. ಮಾತ್ರವಲ್ಲದೆ, ಹೊಸ ಬದಲಾವಣೆಯೊಂದಿಗೆ ಸ್ಮಾರ್ಟ್​ಫೋನ್​ ಮೆಮೊರಿ ಕಾನ್ಫಿಗರೇಶನ್‌ ಅನ್ನು ಹಿಗ್ಗಿಸಲು ಮುಂದಾಗಿದ್ದು, ಉಳಿದೆಲ್ಲಾ ಸ್ಮಾರ್ಟ್​ಫೋನ್​ಗಳ ಅಳವಡಿಸಿಕೊಂಡಿರುವ ಮೆಮೊರಿ ಗಾತ್ರದ ದಾಖಲೆಯನ್ನು ಇದು ಮುರಿಯುವ ಯೋಜನೆ ಹಾಕಿಕೊಂಡಿದೆ.

ಅಂದಹಾಗೆಯೇ ಕಂಪನಿಯು ಚೀನಾದ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ವೀಬೊದಲ್ಲಿ ಟೀಸರ್ ಪೋಸ್ಟರ್ ಅನ್ನು ಹಂಚಿಕೊಂಡಿದೆ, ಇದು ZTE ಆಕ್ಸಾನ್ 30 ಅಲ್ಟ್ರಾ ಸ್ಪೇಸ್ ಆವೃತ್ತಿಯನ್ನು ನವೆಂಬರ್ 25 ರಂದು ಬಿಡುಗಡೆಯಾಗಲಿದೆ ಎಂದು ತೋರಿಸಿದೆ. ಕುತೂಹಲಕಾರಿ ವಿಚಾರವೆಂದರೆ, ಸಿದ್ಧಪಡಿಸುತ್ತಿರುವ ಫೋನ್ 18GB RAM ಮತ್ತು 1TB ಆಂತರಿಕ ಸಂಗ್ರಹಣೆಯನ್ನು ಹೊಂದಿರುವ ವಿಶ್ವದ ಮೊದಲ ಫೋನ್ ಎಂದು ನಂಬಲಾಗಿದೆ. Axon ಸರಣಿಯು 16GB RAM ಮತ್ತು 1TB ಆಂತರಿಕ ಸಂಗ್ರಹಣೆಯ ಉನ್ನತ ದರ್ಜೆಯ ಸಂರಚನೆಯೊಂದಿಗೆ ಲಭ್ಯವಿದೆ. ಆದರೆ ಮುಂಬರುವ ಆವೃತ್ತಿಯೊಂದಿಗೆ, ಚೈನೀಸ್ ಕಂಪನಿ ಈ ಫೋನ್‌ನ RAM ಅನ್ನು 2GB ಯಷ್ಟು ವಿಸ್ತರಿಸಲಿದೆ. 18GB RAM ಆಯ್ಕೆಯಲ್ಲಿ ಬರಲಿದೆ.

ಕಂಪನಿಯು ಹಂಚಿಕೊಂಡ ಪೋಸ್ಟರ್‌ನಿಂದ, ಮುಂಬರುವ ಆಕ್ಸಾನ್ 30 ಅಲ್ಟ್ರಾ ಸ್ಪೇಸ್ ಆವೃತ್ತಿಯನ್ನು ಸೀಮಿತ ಪ್ರಮಾಣದಲ್ಲಿ ಲಭ್ಯವಾಗುವಂತೆ ತೋರುತ್ತಿದೆ. ಫೋನ್‌ನ ಬೆಲೆಯನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ, ಬಿಡುಗಡೆಯ ಸಮಯದಲ್ಲಿ ನೂತನ ಫೋನಿನ ವಿಶೇಷತೆ ಮತ್ತು ಅದರ ಬೆಲೆಯ ಬಗ್ಗೆ ಮಾಹಿತಿ ಬಹಿರಂಗವಾಗಲಿದೆ.

ಮೆಮೊರಿ ಕಾನ್ಫಿಗರೇಶನ್ ಹೊರತುಪಡಿಸಿ, ಫೋನ್‌ನ ಉಳಿದ ವಿಶೇಷಣಗಳು ಆಕ್ಸಾನ್ 30 ಅಲ್ಟ್ರಾದಂತೆಯೇ ಉಳಿಯುವ ನಿರೀಕ್ಷೆಯಿದೆ. ಇದು 6.67-ಇಂಚಿನ AMOLED ಡಿಸ್​ಪ್ಲೇ ಜೊತೆಗೆ 1080 x 2400 ಪಿಕ್ಸೆಲ್‌ಗಳ ಪೂರ್ಣ HD+ ಸ್ಕ್ರೀನ್ ರೆಸಲ್ಯೂಶನ್, 144Hz ರಿಫ್ರೆಶ್ ರೇಟ್, 20:9 ಆಕಾರ ಅನುಪಾತ ಮತ್ತು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ರಕ್ಷಣೆಯನ್ನು ಹೊಂದಿದೆ.

ZTE ಆಕ್ಸಾನ್ 30 ಅಲ್ಟ್ರಾ ಸ್ಪೇಸ್ ಆವೃತ್ತಿಯು ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 888 ಮೊಬೈಲ್ ಪ್ಲಾಟ್‌ಫಾರ್ಮ್‌ನಿಂದ ಚಾಲಿತವಾಗಿದೆ, ಜೊತೆಗೆ LPDDR5 RAM ಮತ್ತು UFS 3.1 ಸಂಗ್ರಹಣೆಯನ್ನು ಹೊಂದಿದೆ. ಹಿಂಭಾಗದಲ್ಲಿ, 64-ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ, 64-ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಲೆನ್ಸ್, 120-ಡಿಗ್ರಿ FOV ಜೊತೆಗೆ 64-ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಶೂಟರ್ ಅನ್ನು ಒಳಗೊಂಡಿರುವ ಕ್ವಾಡ್-ಕ್ಯಾಮೆರಾ ಸೆಟಪ್ ಇದೆ. ಮುಂಭಾಗದಲ್ಲಿ, ಸ್ಮಾರ್ಟ್​ಫೋನ್ ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಾಗಿ 16-ಮೆಗಾಪಿಕ್ಸೆಲ್ ಸ್ನ್ಯಾಪರ್ ಅನ್ನು ಪ್ಯಾಕ್ ಮಾಡುತ್ತದೆ. ಆಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಂನಲ್ಲಿ ಚಾಲನೆಯಲ್ಲಿರುವ ಇದು 66W ಕ್ಷಿಪ್ರ ಚಾರ್ಜಿಂಗ್ ಅನ್ನು ಬೆಂಬಲಿಸುವ 4,600mAh ಬ್ಯಾಟರಿಯಿಂದ ಚಾಲಿತವಾಗಿದೆ……