ಸ್ಯಾನ್​ಫ್ರಾನ್ಸಿಸ್ಕೋ:

ಸ್ಮಾರ್ಟ್​ಫೋನ್​ಗಳ ದೈತ್ಯ ದಕ್ಷಿಣ ಕೊರಿಯಾ ಮೂಲದ ಸ್ಯಾಮ್​ಸಂಗ್​ ಇದೇ ಮೊದಲ ಬಾರಿಗೆ 5ಜಿ ಸ್ಮಾರ್ಟ್​ಫೋನ್​​ ಪರಿಚಯಿಸಿದ್ದು, ಇನ್ನೂ ಮಾರುಕಟ್ಟೆಯಲ್ಲಿ ಲಭ್ಯವಿರದ ಮಡಚುವ 4.6 ಸ್ಮಾರ್ಟ್​ಫೋನ್ ಸಹ ಬಿಡುಗಡೆ ಮಾಡಲು ಮುಂದಾಗಿದೆ. ಇದೇ ಸ್ಮಾರ್ಟ್​ ಫೋನ್​ ಪೂರ್ಣ ತೆರೆದುಕೊಂಡಾಗ 7.3 ಇಂಚಿನ ​ಟ್ಯಾಬ್ಲೆಟ್ ಆಗಿ ಪರಿವರ್ತನೆ ಆಗಲಿದೆ. ಅಮೆರಿಕದ ಸ್ಯಾನ್​ಫ್ರಾನ್ಸಿಸ್ಕೋದಲ್ಲಿ ಈ ಹೊಸ ಗೆಲಾಕ್ಸಿ ಪೋಲ್ಡ್​ ಸ್ಮಾರ್ಟ್​ಫೋನ್​ ಬಿಡುಗಡೆ ಮಾಡಿದೆ.

ನಾವು ನಿಮಗೆ ಹೊಸ ಆವಿಷ್ಕಾರದ ಡಿವೈಸ್​ ನೀಡುತ್ತಿದ್ದೇವೆ ಎಂದು 5ನೇ ತಲೆಮಾರಿನ ಸ್ಮಾರ್ಟ್​ಫೋನ್​ ಬಿಡುಗಡೆ ಮಾಡಿ, ಸ್ಯಾಮ್​ಸಂಗ್​​ನ ಜಸ್ಟಿನ್​ ಡೆನಿಸನ್​ ಹೇಳಿದ್ದಾರೆ. ವಿಶೇಷ ಎಂದರೆ ಗೆಲಾಕ್ಸಿ ಫೋಲ್ಡ್​ 5 ಜಿ ಫೋನ್​ ಏಪ್ರಿಲ್​ 26ರ ರಂದು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ. ಇದರ ಬೆಲೆ 1980 ಅಮೆರಿಕನ್ ಡಾಲರ್ ಎಂದು ಕಂಪನಿ ಹೇಳಿಕೊಂಡಿದೆ. ಅಂದರೆ ಭಾರತೀಯ ಲೆಕ್ಕದಲ್ಲಿ 1.41 ಲಕ್ಷ ರೂ ಆಗಲಿದೆ……