:
ಸಿನಿಮಾ ಶೂಟಿಂಗ್ ಇಲ್ಲದೇ ಎಲ್ಲಾ ನಟಿಮಣಿಯರು ಫ್ರೀ ಆಗಿ ಕಾಲ ಕಳೆಯುವಾಗ ಅದಿತಿ ಮಾತ್ರ ಸದ್ದಿಲ್ಲದೇ ಆಲ್ಬಂ ಸಾಂಗ್ ಮಾಡಿ ಮುಗಿಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಅದಿತಿ ಪ್ರಭುದೇವಾ ಸಾಂಗ್ ಟೀಸರ್ ವೈರಲ್ ಆಗಿದೆ. ಇದೀಗ ಆ ಸಾಂಗ್ ಟೀಸರ್ ರಿಲೀಸ್ ಆಗಿದ್ದು , ಸೋಶಿಯಲ್ ಮೀಡಿಯಾದಲ್ಲಿ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ತಿದೆ. ಶಾನೆ ಟಾಪಾಗಿರೋ ಹುಡುಗಿ ಅದಿತಿ ಪ್ರಭುದೇವಾ ಈಗ ಪರ್ಫೆಕ್ಟ್ ಗರ್ಲ್. ತಮ್ಮದೇ ಆದ ಅಭಿಮಾನಿ ಬಳಗವನ್ನ ಹೊಂದಿರೋ ಅದಿತಿ, ವೆರಿ ಗುಡ್ ಫರ್ಫಾಮರ್ ಕೂಡ ಹೌದು. ಸಿನಿಮಾಗಳಲ್ಲಿ ಹೆಚ್ಚಾಗಿ ಹೋಮ್ಲಿ ಗರ್ಲ್ ಆಗಿ ಕಾಣಿಸಿಕೊಳ್ಳೋ ಅದಿತಿ ಇದೀಗ ಸಖತ್ ಬೋಲ್ಡ್ ಅಂಡ್ ಗ್ಲಾಮ್ ಲುಕ್ನಲ್ಲಿ ಮಿಂಚಿದ್ದಾರೆ. ಅದು ತಮ್ಮದೇ ಅಭಿನಯದ ಹೊಸ ಆಲ್ಬಂ ಸಾಂಗ್ಗಾಗಿ.
ಅಂದ್ಹಾಗೇ ಈ ಆಲ್ಬಂ ಗೆ ಪರ್ಫೇಕ್ಟ್ ಗರ್ಲ್ ಅಂತ ಟೈಟಲ್ ಇಟ್ಟಿದ್ದು, ಈಗಿನ ಜನರೇಶನ್ ಹುಡುಗ, ತನ್ನ ಹುಡುಗಿ ಹೇಗಿರಬೇಕು ಅಂತ ಇಮ್ಯಾಜಿನ್ ಮಾಡ್ತಾನೆ ಅನ್ನೋದೇ ಈ ಹಾಡಿನ ಕಾನ್ಸೆಪ್ಟ್. ಈ ಹಾಡಿನಲ್ಲಿ ಅದಿತಿ ಪ್ರಭುದೇವ ಕೂಡ ಸಖತ್ ಡಿಫ್ರೆಂಟ್ ಲುಕ್ನಲ್ಲಿ ಮಿಂಚಿದ್ದು, ಕಾಸ್ಟ್ಯೂಮ್, ಹೇರ್ಸ್ಟೈಲ್, ಎಲ್ಲವನ್ನೂ ಹೊಸದಾಗಿ ಟ್ರೈ ಮಾಡಿದ್ದಾರೆ. ಜೊತೆಗೆ ಅದಿತಿ ಈ ಹಾಡಿನಲ್ಲಿ ಬೈಕ್ ರೈಡಿಂಗ್ ಮಾಡಿರೋದು ಕೂಡ ವಿಶೇಷವಾಗಿದೆ.
ಈ ಹಾಡಿಗೆ ಸಾಹಿತ್ಯ, ಸಂಗೀತ, ದನಿ, ನಿರ್ಮಾಣ ಎಲ್ಲದರ ಜವಾಬ್ದಾರಿ ಹೊತ್ತಿರೋದು ಯಂಗ್ ಟ್ಯಾಲೆಂಟ್ ಅಭಿ ಮಲ್ಟಿ. ಇನ್ನು ನಿರ್ದೇಶನ ಮತ್ತು ಕೊರಿಯೋಗ್ರಫಿ ಅಭಿಷೇಕ್ ಮತಡ್ ಮಾಡಿದ್ರೆ, ಶ್ರೀನಿವಾಸ್ ಕ್ಯಾಮೆರಾ ವರ್ಕ್ ಮಾಡಿದ್ದಾರೆ. ಚಂದನ್ಗೌಡ ಕಾಸ್ಟ್ಯೂಮ್, ಬಾಸಿಕ್ಸ್ ಮ್ಯೂಸಿಕ್ ಈ ಹಾಡಿಗಿದೆ. ಸದ್ಯ ಸ್ಯಾಂಡಲ್ವುಡ್ ಬ್ಯುಸಿಯೆಸ್ಟ್ ನಟಿಮಣಿಯರ ಲಿಸ್ಟ್ಗೆ ಸೇರಿರೋ ಅದಿತಿ ಪ್ರಭುದೇವಾ ಓಲ್ಡ್ ಮಾಂಕ್, ತೋತಾಪುರಿ, ಗಜಾನನ ಗ್ಯಾಂಗ್, ದಿಲ್ಮಾಲ್ ಹೀಗೆ ಸಾಕಷ್ಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಎಲ್ಲಾ ಸಿನಿಮಾಗಳಿಗೂ ಮುನ್ನ ಪರ್ಫೆಕ್ಟ್ ಗರ್ಲ್ ಆಲ್ಬಂ ಸಾಂಗ್ ಮೂಲಕ ಸಿನಿಪ್ರಿಯರನ್ನ ರಂಜಿಸಲಿದ್ದಾರೆ……
