ಹೆಲ್ತ್‌ ಟಿಪ್ಸ್:
ತುಂಬ ಹೊತ್ತು ನಿದ್ರೆ ಮಾಡುವ ಅಭ್ಯಾಸವಿದ್ದರೆ ಬಿಟ್ಟುಬಿಡಿ. ಏಕೆಂದರೆ ಅದು ನಿಮ್ಮ ಮಿದುಳಿನ ಆರೋಗ್ಯಕ್ಕೆ ಮಾರಕ.
ಹೆಚ್ಚು ಹೊತ್ತು ನಿದ್ರೆ ಮಾಡಿದರೆ ಅಥವಾ ಕಡಿಮೆ ನಿದ್ರೆ ಮಾಡಿದರೂ ಅದು ಅಪಾಯ. ನೆನಪಿನ ಶಕ್ತಿ ಸೇರಿದಂತೆ ಮಿದುಳಿನ ಇತರೇ ಕಾರ‍್ಯವೈಖರಿಗೆ ತಡೆಯುಂಟು ಮಾಡುತ್ತದೆ. ಆದ್ದರಿಂದ ಅತಿಯಾದ ನಿದ್ರೆಯಿಂದ ಸಮಸ್ಯೆಯಿಲ್ಲ ಎಂದು ನಿರ್ಲಕ್ಷಿಸಬೇಡಿ.
ಕ್ಯಾನ್ಸರ್‌ ಸಾಧ್ಯತೆ :
ವಾಯು ಮಾಲಿನ್ಯವು ಬಾಯಿಯ ಕ್ಯಾನ್ಸರ್‌ ಸಾಧ್ಯತೆಯನ್ನು ಹೆಚ್ಚಿಸಲಿದೆಯಂತೆ. ಮಾಲಿನ್ಯ ರಹಿತ ಪ್ರದೇಶದಲ್ಲಿ ಬದುಕುವವರಿಗೆ ಹೋಲಿಸಿದರೆ ವಾಯು ಮಾಲಿನ್ಯ ಅಧಿಕವಾಗಿರುವ ಸ್ಥಳಗಳಲ್ಲಿ ವಾಸಿಸುವವರಲ್ಲಿ ಬಾಯಿಗೆ ಸಂಬಂಧಿಸಿದ ಕ್ಯಾನ್ಸರ್‌ ಪ್ರಮಾಣ ಹೆಚ್ಚು ಎಂದು ಎಚ್ಚರಿಸಿದೆ ಅಧ್ಯಯನ.
ಗರ್ಭಾವಸ್ಥೆ ಎಚ್ಚರ:
ಗರ್ಭವಸ್ಥೆಯಲ್ಲಿ ಖಿನ್ನತೆಗೆ ಸಂಬಂಧಿಸಿದಂತೆ ಕೆಲವು ಬಗೆಯ ಮಾತ್ರೆ ಸೇವಿಸಿದರೆ ಅದು ಹುಟ್ಟುವ ಮಗುವಿನಲ್ಲಿ ಆಸ್ತಮಾ ಸಮಸ್ಯೆಯನ್ನು ಉಂಟು ಮಾಡಬಹುದು ಎಂದು ಎಚ್ಚರಿಸಿದೆ ಸಂಶೋಧನೆ. ಸಾಮಾನ್ಯವಾಗಿ ಗರ್ಭಾವಸ್ಥೆಯಲ್ಲಿ ಇತರೇ ಔಷಧಗಳ ಸೇವನೆಗೆ ವೈದ್ಯರು ಶಿಫಾರಸು ಮಾಡುವುದಿಲ್ಲ. ಅನಿವಾರ‍್ಯ ಸಂದರ್ಭಗಳಲ್ಲಿ ಖಿನ್ನತೆಯಂತಹ ಸಮಸ್ಯೆಗೆ ಔಷಧ ತೆಗೆದುಕೊಳ್ಳಬೇಕು ಅಂದಾಗ ತಜ್ಞರ ಸಲಹೆ ಪಡೆದುಕೊಳ್ಳಿ. ಏಕೆಂದರೆ ಇವು ಹುಟ್ಟುವ ಮಗುವಿನ ಮೇಲೆ ಮಾರಕ ಪರಿಣಾಮ ಬೀರುತ್ತವೆ. ಆಸ್ತಮಾ ಸೇರಿದಂತೆ ಇನ್ನೂ ಹಲವು ಸಮಸ್ಯೆಗಳು ಇದರೊಂದಿಗೆ ಸೇರಿಕೊಂಡಿರುತ್ತದೆ ಎನ್ನಲಾಗಿದೆ……
