ಬೆಳೆಯುವ ಸಿರಿ ಮೂಳಕೆಯಲ್ಲಿ ಎನ್ನುವಂತೆ ಕ್ರೀಡಾಕಾಶಿ ಕೊಡಗಿನ ಪುಟಾಣಿಯೊಬ್ಬಳು ಬ್ಯಾಡ್ಮಿಂಟನ್ ಕ್ರೀಡೆಯಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡಿದ್ದಾಳೆ.ಸೈನಾ ನೆಹ್ವಾಲ್, ಅಶ್ವಿನಿ ಪೊನ್ನಪ್ಪ ಮಾದರಿಯಲ್ಲಿ ದೇಶಕ್ಕೆ ಕೀರ್ತಿ ತರಬೇಕು ಎಂದು ಈಗಿನಿಂದಲೇ ಕನಸು ಕಾಣುತ್ತಿದ್ದಾಳೆ.

ಈ ಪುಟ್ಟ ಪೋರಿಯ ಹೆಸರು ದಿನಾ ಭೀಮಯ್ಯ. ಮೂಲತಃ ಕೊಡಗಿನ ಗೋಣಿಕೊಪ್ಪಲು ಗ್ರಾಮದವಳು. ದಿನಾ ಭೀಮಯ್ಯ ಮತ್ತು ಕುಸುಮ್ ದಂಪತಿಯ ಪುತ್ರಿ. ಐದನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಈಕೆ, ಶಾಲೆ, ಜಿಲ್ಲೆ, ರಾಜ್ಯಮಟ್ಟದ ಬ್ಯಾಡ್ಮಿಂಟನ್​ನಲ್ಲಿ ಭಾಗವಹಿಸಿ ಇದೀಗ ಅಂಡರ್ 12 ಬ್ಯಾಡ್ಮಿಂಟನ್ ಸ್ಪರ್ಧೆಯಲ್ಲಿ ಭಾಗವಹಿಸಿ, ವಿವಿಧ ವಿಭಾಗದಲ್ಲಿ ಎರಡು ಮತ್ತು ಮೂರನೇಯ ಸ್ಥಾನ ಪಡೆದು ರಾಷ್ಟ್ರೀಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾಳೆ.