ಧರ್ಮ-ಜ್ಯೋತಿ:

ಸಂಖ್ಯೆಗಳು ಇಲ್ಲದೆ ಪ್ರಪಂಚದಲ್ಲಿ ಯಾವ ಕಾರ‍್ಯವೂ ನಡೆಯುವುದಿಲ್ಲ. ಎಲ್ಲ ಕಾಲದಲ್ಲಿಯೂ ಲೋಕದ ಸೃಷ್ಟಿ, ಸ್ಥಿತಿ, ಲಯಗಳನ್ನು ತಿಳಿಯುವುದು ಸಂಖ್ಯೆಗಳ ಮೂಲಕವೇ. ಕೃತಯುಗ, ತ್ರೇತಾಯುಗ, ದ್ವಾಪರಯುಗ ಹಾಗೂ ಕಲಿಯುಗ ಎಂಬುದಾಗಿ ಕಾಲವನ್ನು ನಾಲ್ಕು ಭಾಗಗಳಾಗಿ ವಿಭಾಗಿಸಿ ಒಂದೊಂದು ಯುಗಗಳಿಗೂ ವರ್ಷವನ್ನು ನಿಗದಿಪಡಿಸಿ ಕೊನೆಗೆ ಪ್ರಳಯ ಎಂದು ನಿಷ್ಕರ್ಷಿಸಿರುವುದು ಸಂಖ್ಯೆಗಳ ಆಧಾರದಿಂದಲೇ. ಬೆಳಿಗ್ಗೆಯಿಂದ ರಾತ್ರಿ ಮಲಗುವವರೆಗೂ ಪ್ರಪಂಚದ ಎಲ್ಲಾ ಕಾರ್ಯಗಳೂ ಸಂಖ್ಯೆಗಳನ್ನು ಅನುಸರಿಸಿಯೇ ಮುಂದುವರೆಯುತ್ತದೆ. ಸೊನ್ನೆಗೆ ಸ್ವತಃ ಸ್ಥಾನಮಾನ ಇಲ್ಲ. ಬೇರೊಂದು ಸಂಖ್ಯೆಯೊಂದಿಗೆ ಸೇರಿದರೆ ಅದರ ಬೆಲೆ ಬರುತ್ತದೆ.

ವಾಹನ ಕೊಂಡುಕೊಳ್ಳುವಾಗ ಕೆಲವರು ನಿರ್ದಿಷ್ಟ ನಂಬರ್ ಬೇಕು ಎಂದು ಹೆಚ್ಚಿಗೆ ಹಣ ಕೊಟ್ಟು ಪಡೆದುಕೊಳ್ಳುತ್ತಾರೆ. ಇನ್ನು ಕೆಲವರು ಯಾವುದೇ ನಂಬರ್ ಸಿಕ್ಕಿದರೂ ಪರವಾಗಿಲ್ಲ ಅಂದುಕೊಂಡಿರುತ್ತಾರೆ. ಆದರೆ ನಂಬರ್‌ನಲ್ಲೂ ಇದೆ ಅದೃಷ್ಟ. ನಿಮ್ಮ ಹುಟ್ಟಿದ ದಿನಾಂಕದಂತೆಯೇ ಕಾರು ನಂಬರಿನಲ್ಲಿಯೂ ಭವಿಷ್ಯವಿದೆ, ಜ್ಯೋತಿಷ್ಯವಿದೆ. ಕಾರಿನ ಸಂಖ್ಯೆ ಬದಲಾಯಿಸಿ. ಬದಲಾವಣೆಯನ್ನು ಗಮನಿಸಿ.

ನಂ. 1:

ಈ ಸಂಖ್ಯೆಯನ್ನು ಸೂರ್ಯ ಆಳುತ್ತಾನೆ. ಈ ಕಾರು ಚಾಲನೆ ಮಾಡುವವರು ಸರಕಾರಿ ಮತ್ತು ಅರಣ್ಯ ಇಲಾಖೆಯಲ್ಲಿ ಕೆಲಸ ಮಾಡಿದರೆ ಒಳ್ಳೆಯದು. ಆದರೆ ಇವರು ಕೆಲವು ಬಾರಿ ಸ್ವಾರ್ಥಿಗಳು ಮತ್ತು ತಾವೇ ಎಲ್ಲ ಎಂದು ಅಂದುಕೊಳ್ಳುವವರು.

ನಂ.2:

ಈ ಸಂಖ್ಯೆಯನ್ನು ಚಂದ್ರ ಆಳುತ್ತಾನೆ. ಈ ಕಾರು ಚಾಲನೆ ಮಾಡುವವರು ಸಾಮಾನ್ಯವಾಗಿ ಮೋಜು, ಮಸ್ತಿ ಇಷ್ಟಪಡುವವರು. ಇವರು ಶಾಂತ ಮತ್ತು ಸಂಯೋಜನೆ ಸ್ವಭಾವದವರು. ಜತೆಗೆ ಜೀವನ ಹೇಗೆ ಬರುತ್ತದೆ ಅದನ್ನು ಹಾಗೆಯೇ ಸ್ವೀಕರಿಸುವವರು. ಆದರೆ ಇವರು ಭಾವನಾತ್ಮಕ ಸ್ವಭಾವದವರು. ಎಲ್ಲವನ್ನು ಮನಸ್ಸಿಗೆ ತೆಗೆದುಕೊಳ್ಳುವವರು.

ನಂ.3:

ಈ ಸಂಖ್ಯೆಯನ್ನು ಗುರು ಆಳುತ್ತಾನೆ. ಇವರಿಗೆ ರಾಜಕಾರಣ ಅಥವಾ ಆಡಳಿತಾತ್ಮಕ ಕೆಲಸ ಸೂಟ್ ಆಗುತ್ತದೆ. ಆದರೆ ಇವರು ಕೆಲವು ಬಾರಿ ಹೆಮ್ಮಯಿಂದ ಬೀಗುತ್ತಿರುತ್ತಾರೆ ಮತ್ತು ಹಣ ಮಾಡುವ ಸ್ವಭಾವದವರು.

ನಂ.4:

ಈ ಸಂಖ್ಯೆಯನ್ನು ರಾಹು ಆಳುತ್ತಾನೆ. ಇವರು ಆರ್ಥಿಕವಾಗಿ ಬಹಳ ಬಲಿಷ್ಠರು. ಸಾಮಾನ್ಯವಾಗಿ ಇವರಿಗೆ ಜೀವನಪೂರ್ತಿ ಹಣದ ಸಮಸ್ಯೆ ಎದುರಾಗದು. ಆದರೆ ಇವರು ನಿರ್ಧಾರವನ್ನು ತಪ್ಪಾಗಿ ತೆಗೆದುಕೊಳ್ಳುತ್ತಾರೆ ಮತ್ತು ಸಂಬಂಧಗಳ ನಿರ್ವಹಣೆಯನ್ನು ಕೂಡ ಕೆಟ್ಟದಾಗಿ ಇಟ್ಟುಕೊಂಡಿರುತ್ತಾರೆ.

ನಂ.5:

ಈ ಸಂಖ್ಯೆಯನ್ನು ಬುಧ ಆಳುತ್ತಾನೆ. ಈ ಸಂಖ್ಯೆಯ ಕಾರು ಚಾಲನೆ ಮಾಡುವವರು ಶಾರ್ಪ್ ಆಗಿರುತ್ತಾರೆ ಮತ್ತು ವ್ಯಾಪಾರ ಚೆನ್ನಾಗಿ ಹಿಡಿಸುತ್ತದೆ. ಆದರೆ ಇವರು ಅತಿ ಮಾತುಗಾರರು ಮತ್ತು ಕೆಲವು ಬಾರಿ ಮಕ್ಕಳಂತೆ ವರ್ತಿಸುತ್ತಾರೆ.

ನಂ.6:

ಈ ಸಂಖ್ಯೆಯನ್ನು ಶುಕ್ರ ಆಳುತ್ತಾನೆ. ಈ ಕಾರು ಚಾಲನೆ ಮಾಡುವವರಿಗೆ ಕ್ರಿಯೇಟಿವ್ ಜಾಬ್ ಹಿಡಿಸುತ್ತದೆ ಮತ್ತು ಇವರು ಒಳ್ಳೆಯ ಕಲಾವಿದರು. ಆದರೆ ಇವರು ಮದ್ಯವ್ಯಸನಿಗಳು ಮತ್ತು ಅನೇಕ ಸಂಬಂಧವನ್ನು ಹೊಂದಿರುತ್ತಾರೆ.

ನಂ.7:

ಈ ಸಂಖ್ಯೆಯನ್ನು ಕೇತು ಆಳುತ್ತಾನೆ. ಈ ಕಾರು ಚಾಲನೆ ಮಾಡುವವರು ಅಧ್ಯಾತ್ಮರು ಮತ್ತು ಚೆನ್ನಾಗಿ ಚಿಂತನೆ ಮಾಡುವವರು. ಇವರು ನಿರ್ಧಾರ ತೆಗೆದುಕೊಳ್ಳುವುದಕ್ಕಿಂತಲೂ ಮೊದಲು ಇದರಿಂದ ಸಮಾಜಕ್ಕೆ ಒಳಿತಾಗುತ್ತದೆಯೇ ಎಂದು ಚಿಂತನೆ ಮಾಡುವವರು. ಆದರೆ ಇವರು ಕೆಲವು ಬಾರಿ ಅಧ್ಯಾತ್ಮದಲ್ಲಿ ತುಂಬಾ ಹೆಚ್ಚಿಗೆ ಪ್ರಮಾಣದಲ್ಲಿ ತೊಡಗಿಕೊಳ್ಳುತ್ತಾರೆ. ಹೀಗಾಗಿ ಕುಟುಂಬವನ್ನು ಬಿಟ್ಟುಬಿಡುತ್ತಾರೆ.

ನಂ.8:

ಈ ಸಂಖ್ಯೆಯನ್ನು ಶನಿ ಆಳುತ್ತಾನೆ. ಈ ಕಾರು ಚಾಲನೆ ಮಾಡುವವರು ಜನರಲ್ಲಿ ಜಾಗೃತಿ ಮೂಡಿಸುವವರು ಮತ್ತು ಇತರರನ್ನು ಒಳ್ಳೆಯ ಲೀಡರ್ ಆಗಿ ಪರಿವರ್ತಿಸುವವರು. ಆದರೆ ಇವರು ಆರ್ಥಿಕವಾಗಿ ಸಬಲರಾಗುವುದಿಲ್ಲ. ಇದಕ್ಕೆ ಕಾರಣವೆಂದರೆ ಇವರು ಯಾವಾಗಲೂ ಜನರನ್ನು ಒಂದುಗೂಡಿಸುವುದಕ್ಕೆ ಹೆಚ್ಚಿನ ಸಮಯವನ್ನು ವಿನಿಯೋಗಿಸುತ್ತಾರೆ.

ನಂ.9:

ಈ ಸಂಖ್ಯೆಯನ್ನು ಮಂಗಳ ಆಳುತ್ತಾನೆ. ಈ ಕಾರು ಚಾಲನೆ ಮಾಡುವ ಜನರು ಅತಿ ಬುದ್ಧಿವಂತರು ಮತ್ತು ವೇಗವಾಗಿ ನಿರ್ಧಾರ ತೆಗೆದುಕೊಳ್ಳುವವರು. ಇವರು ಎಲ್ಲ ಕ್ಷೇತ್ರಕ್ಕೂ ಉತ್ತಮವಾಗಿ ಅನ್ವಯಿಸುತ್ತಾರೆ. ಆದರೆ ಇವರು ವಾಸ್ತವವಾಗಿ ಕಾರು ಚಾಲನೆ ಮಾಡುತ್ತಾರೆ. ಹೀಗಾಗಿ ಅಪಘಾತಕ್ಕೆ ಒಳಗಾಗುತ್ತಾರೆ.

ನಂ.10:

ಈ ಸಂಖ್ಯೆಯನ್ನು ಯಾವ ಗ್ರಹವೂ ಆಳುವುದಿಲ್ಲ. ಈ ಕಾರು ಚಾಲನೆ ಮಾಡುವವರು ತಮ್ಮ ಬದುಕಿಗೆ ತಾವೇ ರೋಲರ್ ಕೋಸ್ಟರ್. ಸಾಮಾನ್ಯವಾಗಿ ಇವರು ಲಕ್ಕಿ ಮತ್ತು ತಮಗೆ ಏನು ಬೇಕು ಅದು ಸಿಗುವಂತೆ ಮಾಡುತ್ತಾರೆ. ಆದರೆ ಇವರು ಹಠಾತ್ ಆಗಿ ಅವನತಿಗೆ ಒಳಗಾಗುತ್ತಾರೆ. ಇದು ಅವರನ್ನು ಅಸಾಯಕರನ್ನಾಗಿ ಮಾಡುತ್ತದೆ.

ಸಂಖ್ಯಾಶಾಸ್ತ್ರಕ್ಕೂ ಜ್ಯೋತಿಷ್ಯ ಶಾಸ್ತ್ರಕ್ಕೂ ಸಂಬಂಧ ಇದೆ. ಏಕೆಂದರೆ 12 ರಾಶಿ, 9 ಗ್ರಹ 27 ನಕ್ಷತ್ರಗಳು. 12 ರಾಶಿಯಲ್ಲಿ 27 ನಕ್ಷತ್ರಗಳು ಇವೆ. ಅಂದರೆ ಒಂದೊಂದು ರಾಶಿಗೂ ಸರಾಸರಿ ಎರಡೂವರೆ ನಕ್ಷತ್ರಗಳು. ಒಂದೊಂದು ನಕ್ಷತ್ರಕ್ಕೂ 4 ಪಾದಗಳು, ಎರಡೂಕಾಲು ನಕ್ಷತ್ರಗಳಿಗೆ 9 ಪಾದಗಳು. ಒಂದೊಂದು ರಾಶಿಯಲ್ಲಿಯೂ 9 ಪಾದಗಳಿವೆ. 12 ರಾಶಿಗಳಿಗೆ ಒಟ್ಟು 108 ಪಾದಗಳು. ಜ್ಯೋತಿಷ್ಯ ಶಾಸ್ತ್ರದಲ್ಲಿಯೂ ಸಂಖ್ಯೆಗಳು ಪ್ರಧಾನವಾಗಿರುವುದು ಇದರಿಂದ ತಿಳಿಯುತ್ತದೆ. ಸಂಖ್ಯಾಶಾಸ್ತ್ರದ ಪ್ರಕಾರ 4 ಬಗೆ: ಜನ್ಮ ಸಂಖ್ಯೆ, ಭಾಗ್ಯ ಸಂಖ್ಯೆ, ನಾಮಸಂಖ್ಯೆ ಹಾಗೂ ವರ್ಷ ಸಂಖ್ಯೆ.

1. ಜನ್ಮ ಸಂಖ್ಯೆ:

ವ್ಯಕ್ತಿಯ ಹುಟ್ಟಿದ ತಾರೀಕನ್ನು ಏಕಸಂಖ್ಯೆಯಾಗಿ ಮಾಡಿದಾಗ ಬರುವ ಸಂಖ್ಯೆಯಾಗಿದೆ. 1ರಿಂದ 31ರ ವರೆಗಿನ ತಾರೀಕಿನ ಆಧಾರದ ಮೇಲೆ ಇದನ್ನೂ ಲೆಕ್ಕ ಮಾಡಲಾಗುವುದು. ಉದಾ: 23 ಆಗಿದ್ದರೆ 2+3=5 ಜನ್ಮ ಸಂಖ್ಯೆ ಆಗಿರುವುದು.

2. ಭಾಗ್ಯ ಸಂಖ್ಯೆ:

ಇದನ್ನು ವ್ಯಕ್ತಿತ್ವದ ಸಂಖ್ಯೆ ಎನ್ನುತ್ತಾರೆ. ಯಾವುದೇ ವ್ಯಕ್ತಿಯ ಹುಟ್ಟಿದ ತಾರೀಕು ತಿಂಗಳು ಮತ್ತು ವರ್ಷದ ಸಂಖ್ಯೆಗಳನ್ನು ಕೂಡಿಸಿ ಬರುವ ಮೊತ್ತದ ಏಕಸಂಖ್ಯೆ. ಉದಾ: 1+0+1+2+1ಧಿ-9+8+5=27. 2+7=9

3. ನಾಮ ಸಂಖ್ಯೆ:

ಒಬ್ಬ ವ್ಯಕ್ತಿಯ ಹೆಸರಿನಲ್ಲಿರುವ ಅಕ್ಷರಗಳ ಸಂಖ್ಯೆಯ ಮೊತ್ತವೇ ನಾಮಸಂಖ್ಯೆ. ಇದರಿಂದ ನಮ್ಮ ವೈಯಕ್ತಿಕ ಆಸೆಗಳು ಹಾಗು ಅದೃಷ್ಟವನ್ನು ತಿಳಿಯಬಹುದು.

4. ವರ್ಷ ಸಂಖ್ಯೆ:

ವ್ಯಕ್ತಿಯ ಜನನ ವರ್ಷದ ಎಲ್ಲಾ ಅಂಕಗಳನ್ನೂ ಕೂಡಿದರೆ ಬರುವ ಮೊತ್ತದ ಏಕಸಂಖ್ಯೆ. ಉದಾ: ಜನನ ವರ್ಷ 1964 ಆಗಿದ್ದರೆ ವರ್ಷಸಂಖೆಯ. 1+9+6+4=20 ಅಂದರೆ 2+0=2 ವರ್ಷ ಸಂಖ್ಯೆ…….