Breaking News

ಆಗ್ನೇಯ ಇಂಗ್ಲೆಂಡ್​ನಲ್ಲಿ ಕಠಿಣ ಲಾಕ್​ಡೌನ್ ವಿಧಿಸಿ ಆದೇಶ..!

ರೂಪಾಂತರಗೊಂಡ ಕೊರೋನಾ ವೈರಸ್​....

SHARE......LIKE......COMMENT......

ಲಂಡನ್ :

ದಿನದಿಂದ ದಿನಕ್ಕೆ ತೀವ್ರತರನಾಗಿ ಹರಡುತ್ತಿರುವ ಕೊರೋನಾ ಸೋಂಕಿಗೆ ಇಂಗ್ಲೆಂಡ್​ ಅಕ್ಷರಷಃ ತತ್ತರಿಸಿ ಹೋಗಿದೆ. ಇದೀಗ ಹೊಸ ರೂಪ ತಿರುಗಿರುವ ಕೋವಿಡ್​ನಿಂದಾಗಿ ಇಂಗ್ಲೆಂಡ್​ನಲ್ಲಿ ಮತ್ತೆ ಸಮಸ್ಯೆ ಉಲ್ಭಣಗೊಂಡಿದೆ. ಈ ಕಾರಣದಿಂದಾಗಿ ಟಯರ್​ 4 ಲಾಕ್​ಡೌನ್​ ವಿಧಿಸಿ ಇಂಗ್ಲೆಂಡ್ ಪ್ರಧಾನಿ ಬೋರಿಸ್​ ಜಾನ್ಸನ್​ ಆದೇಶ ಹೊರಡಿಸಿದ್ದಾರೆ. ಸುದ್ದಿಗೋಷ್ಠಿ ನಡೆಸಿ ಈ ಬಗ್ಗೆ ಹೇಳಿರುವ ಇಂಗ್ಲೆಂಡ್ ಪ್ರಧಾನಿ ಕಠಿಣವಾದ ಟಯರ್​ 4 ಲಾಕ್​ಡೌನ್​ ಬಗ್ಗೆ ಮಾಹಿತಿ ನೀಡಿದ್ದಾರೆ. ರೂಪಾಂತರಗೊಂಡಿರುವ ಕೊರೋನಾ ವೈರಸ್​ ಬಗ್ಗೆ ಮಾಹಿತಿ ನೀಡಿದ ಪ್ರೊ.ಕ್ರಿಸ್ ವಿಟ್ಟಿ, ರೂಪಾಂತರಗೊಂಡಿರುವ ಕೊರೋನಾ ಬಹು ಬೇಗನೆ ಹರಡುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.

ಲಂಡನ್​ ಹಾಗೂ ಆಗ್ನೇಯ ಇಂಗ್ಲೆಂಡ್ ಪ್ರದೇಶದಲ್ಲಿ ಕಠಿಣ ಲಾಕ್​ಡೌನ್ ಹೇರಲಾಗಿದೆ. ಈ ನಿಯಮದ ಪ್ರಕಾರ ರೆಡ್​ಝೋನ್ ಪ್ರದೇಶದಲ್ಲಿರುವವರು ಕ್ರಿಸ್​ಮಸ್​ಗಾಗಿ ಮನೆಮನೆಗೆ ತೆರಳುವಂತಿಲ್ಲ. ಕೆಲಸ, ಶಿಕ್ಷಣ, ಆರೋಗ್ಯ, ವ್ಯಾಯಾಮ ಮತ್ತು ರಕ್ಷಣೆ ಇವನ್ನು ಹೊರತುಪಡಿಸಿ ಬೇರೆಲ್ಲೂ ತೆರಳುವ ಹಾಗಿಲ್ಲ. ಮನೆಯಲ್ಲಿಯೇ ಇರಬೇಕೆಂದು ಆದೇಶ ಹೊರಡಿಸಲಾಗಿದೆ. ರಾತ್ರಿ ಸಮಯದಲ್ಲಿ ಹೊರಗಡೆ ಇರಬಾರದು ಎಂದು ಆದೇಶದಲ್ಲಿ ಹೇಳಲಾಗಿದೆ. ಜಿಮ್, ಸಿನಿಮಾ ಥೀಯೇಟರ್​, ಕ್ಯಾಸಿನೋ ಸೇರಿದಂತೆ ಅನಗತ್ಯ ವ್ಯವಹಾರಗಳಿಗೆ ಬ್ರೇಕ್ ಹಾಕಲಾಗಿದೆ ಮತ್ತು ಅಂಗಡಿ ಮುಂಗಟ್ಟುಗಳನ್ನು ಬಂದ್ ಮಾಡಲು ಆದೇಶ ಹೊರಡಿಸಲಾಗಿದೆ……