ಬ್ಯೂಟಿ ಟಿಪ್ಸ್:
ಹದಿಹರೆಯದ ಪ್ರಾಯದಲ್ಲಿ ಕಾಡುವ ಸೌಂದರ್ಯ ಸಮಸ್ಯೆಯೆಂದರೆ ಮೊಡವೆ. ಈ ಮೊಡವೆಯಿಂದಾಗಿ ಮುಖ ಸೌಂದರ್ಯ ಮಂಕಾಗುವುದರ ಜತೆಗೆ ಆತ್ಮವಿಶ್ವಾಸ ಕುಗ್ಗುವುದು. ಮಾನಸಿಕ ಒತ್ತಡ, ಹಾರ್ಮೋನ್‌ಗಳ ವ್ಯತ್ಯಾಸದಿಂದಾಗಿ ಮುಖದಲ್ಲಿ ಮೊಡವೆ ಕಂಡು ಬರುವುದು.
ಮೊಡವೆ ನಿಯಂತ್ರಣಕ್ಕೆ ಆಹಾರಕ್ರಮದ ಬಗ್ಗೆ ಗಮನ ಕೊಡುವುದು ತುಂಬಾ ಮುಖ್ಯ. ಎಣ್ಣೆ ತಿಂಡಿಗಳು, ಫಾಸ್ಟ್ ಫುಡ್ಸ್ ಮೊಡವೆಗಳನ್ನು ಮತ್ತಷ್ಟು ಹೆಚ್ಚು ಮಾಡುತ್ತವೆ.
ಮೊಡವೆ ನಿಯಂತ್ರಣ ಮಾಡಲು ಈ ಆಹಾರಗಳು ಸಹಾಯ ಮಾಡುತ್ತವೆ:
ಕೆಂಪಕ್ಕಿ ಅನ್ನ: ಇದರಲ್ಲಿ ವಿಟಮಿನ್‌ ಬಿ, ಪ್ರೊಟೀನ್‌, ಮೆಗ್ನಿಶ್ಯಿಯಂ ಮತ್ತಿತರ ಆ್ಯಂಟಿಆಕ್ಸಿಡೆಂಟ್‌ ಅಂಶಗಳಿವೆ. ಇವುಗಳು ಹಾರ್ಮೋನ್‌ಗಳನ್ನು ನಿಯಂತ್ರಸುತ್ತವೆ, ವಿಟಮಿನ್‌ ಬಿ ತ್ವಚೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.
ಬೆಳ್ಳುಳ್ಳಿ: ಬೆಳ್ಳುಳ್ಳಿಯಲ್ಲಿರುವ ಅಲ್ಲಿಸಿನ್ ಮೊಡವೆ ಬರುವುದನ್ನು ತಡೆಗಟ್ಟುವಲ್ಲಿ ಸಹಕಾರಿ.
ಬ್ರೊಕೋಲಿ: ಬ್ರೊಕೋಲಿಯಲ್ಲಿ ಎ, ಬಿ ಕಾಂಪ್ಲೆಕ್ಸ್, ಸಿ, ಇ ಮತ್ತು ಕೆ ಇದ್ದು ಈ ವಿಟಮಿನ್‌ಗಳು ಮೊಡವೆಗಳನ್ನು ನಿಯಂತ್ರಿಸಿ ಮುಖದಲ್ಲಿ ಹೊಳಪು ತುಂಬುವುದು.
ಮೀನು: ಮೀನು ತ್ವಚೆಯ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು, ಮೀನಿನಲ್ಲಿರುವ ಎಣ್ಣೆಯಂಶ ಮುಖಕ್ಕೆ ಯೌವನದ ಕಳೆ ತುಂಬುವುದು.
ನಟ್ಸ್: ದಿನದಲ್ಲಿ ಸ್ವಲ್ಪ ನಟ್ಸ್ ತಿಂದರೆ ದೇಹದ ಹಾಗೂ ತ್ವಚೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಮೊಡವೆಯಿಂದ ಹಾಳಾದ ತ್ವಚೆ ಸರಿಪಡಿಸುವಲ್ಲಿ ನಟ್ಸ್ ಸಹಾಯ ಮಾಡುತ್ತೆ.
ಸೋಂಪು: ಸೋಂಪು ನೈಸರ್ಗಿಕ ಕ್ಲೆನ್ಸರ್‌, ತ್ವಚೆಯಲ್ಲಿರುವ ಕಶ್ಮಲಗಳನ್ನು ಹೊರ ಹಾಕುವಲ್ಲಿ ಕಡಿಮೆ ಮಾಡುತ್ತೆ ಹಾಗೂ ದೇಹದ ಅಧಿಕ ಉಷ್ಣತೆಯನ್ನು ಕಡಿಮೆ ಮಾಡುತ್ತೆ.
ಗ್ರೀನ್‌ ಟೀ: ದಿನಾ ಒಂದು ಲೋಟ ಗ್ರೀನ್‌ ಟೀ ಕುಡಿಯುವುದರಿಂದ ಸೌಂದರ್ಯವೃದ್ಧಿ ಮಾಡಿಕೊಳ್ಳಬಹುದು.
ಕೆಂಪು ದ್ರಾಕ್ಷಿ: ಕೆಂಪು ದ್ರಾಕ್ಷಿ ತ್ವಚೆ ಅಲರ್ಜಿ ಕಡಿಮೆ ಮಾಡಿ, ಮೊಡವೆ ಸಮಸ್ಯೆಯನ್ನು ಕಡಿಮೆ ಮಾಡುವುದು.
ಕ್ಯಾರೆಟ್‌ ಜ್ಯೂಸ್‌, ಪಾಲಾಕ್‌, ವೆಜಿಟೇಬಲ್ ಸೂಪ್‌, ಟೊಮೆಟೊ ಸೂಪ್‌, ಮಾವಿನಹಣ್ಣು, ಪಪ್ಪಾಯಿ, ಓಟ್‌ಮೀಲ್ಸ್ ಇವೆಲ್ಲಾ ತ್ವಚೆ ಆರೋಗ್ಯಕ್ಕೆ ಒಳ್ಳೆಯದು…..
