ನವ ದೆಹಲಿ:
ಡೊನಾಲ್ಡ್ ಟ್ರಂಪ್ ವಾರ್ನಿಂಗ್ ನಡುವೆಯೂ ಮತ್ತೆ ದೊಡ್ಡಣ್ಣನ ಸೇನಾ ನೆಲೆ ಟಾರ್ಗೆಟ್ ಮಾಡಿ ರಾಕೆಟ್ ಅಟ್ಯಾಕ್ ಆಗಿದೆ. ಈ ಬಾರಿ ಇರಾನ್ ಬದಲು ಇರಾಕ್ ದೊಡ್ಡಣ್ಣನಿಗೆ ಶಾಕ್ ಕೊಟ್ಟಿದೆ. ಕಳೆದ ರಾತ್ರಿ ಅಮೆರಿಕ ಸೇನಾ ನೆಲೆ ಮತ್ತು ವಿದೇಶಿ ರಾಯಭಾರಿಗಳಿರೋ ಹೈ ಸೆಕ್ಯೂರಿಟಿ ಸ್ಥಳವನ್ನು ಗುರಿಯಾಗಿಸಿ ರಾಕೆಟ್ ದಾಳಿ ಮಾಡಲಾಗಿದೆ. ಇರಾಕ್ ರಾಜಧಾನಿ ಬಾಗ್ದಾದ್ನ ಗ್ರೀನ್ ಝೋನ್ ಮೇಲೆ ರಾಕೆಟ್ ದಾಳಿ ನಡೆದಿದ್ದು ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಅಮೆರಿಕ ನೆಲೆ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆದ 24 ಗಂಟೆಯಲ್ಲೇ ಇರಾಕ್ ಕೂಡಾ ಪ್ರತೀಕಾರದ ಬಿಸಿ ಮುಟ್ಟಿಸಿದೆ.
ಇರಾನ್ ಸೇನಾಧಿಕಾರಿ ಸುಲೇಮಾನಿ, ಇರಾಕ್ ಕಮಾಂಡರ್ ಅಬು ಮುಹಾದಿಸ್ ಹತ್ಯೆಗೆ ಪ್ರತೀಕಾರವಾಗಿ ಇನ್ನಷ್ಟು ಅಟ್ಯಾಕ್ ಮಾಡೋ ಮುನ್ಸೂಚನೆಯನ್ನು ಎರಡೂ ದೇಶಗಳು ನೀಡ್ತಿವೆ. ಹಷದ್ ಬಂಡುಕೋರರ ತಂಡದಿಂದ ರಾಕೆಟ್ ದಾಳಿ ನಡೆದಿರೋ ಶಂಕೆ ಇದೆ. ಇರಾಕ್ನಿಂದ ಅಮೆರಿಕದ ಸೇನೆಯ ಕೊನೆಯ ಯೋಧ ಹೊರಹೋಗುವ ತನಕವೂ ದಾಳಿ ಮುಂದುವರೆಯಲಿದೆ ಎಂದು ಇರಾಕ್ ಅರೆಸೇನಾ ಪಡೆ ಮುಖ್ಯಸ್ಥ ಕ್ವಾಸಿ ಅಲ್ ಖಾಜಿಲ್ ವಾರ್ನಿಂಗ್ ನೀಡಿದ್ದಾರೆ. ನಿಮ್ಮ ಕಣ್ಣು ಮುಚ್ಚಬೇಡಿ..ನೀವು ಇಲ್ಲಿಂದ ಹೋಗೋವರೆಗೂ ಅಟ್ಯಾಕ್ ನಿಲ್ಲಲ್ಲ ಎಂದಿದ್ದಾನೆ……