ಮೈಸೂರು:
ಯಂಕ, ಸೀನ, ನಾಣಿಯರನ್ನಿಟ್ಟುಕೊಂಡೇ ರಾಜ್ಯ ಆಳುತ್ತಿದ್ದೇವೆ. ನಮ್ಮ ಪಕ್ಷದಲ್ಲಿ ಮೂರೇ ಜನ ಇರಬಹುದು. ಆದರೂ ನಾವೆಲ್ಲ ರಾಜ್ಯ ಆಳುತ್ತಿದ್ದೇವೆ. ನಾವು ವಿಧಾನ ಪರಿಷತ್ತಿನ ಮೂಲಕ ಅಧಿಕಾರ ಪಡೆದಿಲ್ಲ. ಜನರ ಬಳಿ ಹೋಗಿ ಆಯ್ಕೆಯಾಗಿ ಆಡಳಿತ ಮಾಡುತ್ತಿದ್ದೇವೆ ಎಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ತಿಳಿಸಿದ್ದಾರೆ.
ಚುನಾವಣಾ ಪ್ರಚಾರದ ವೇಳೆ ಮಾತನಾಡಿ, ಜೆಡಿಎಸ್ನಲ್ಲಿ ಮಾತ್ರ ಅಪ್ಪ-ಮಕ್ಕಳು, ಅಣ್ಣ- ತಮ್ಮ ಇರೋದಾ? ಬಿಜೆಪಿಯಲ್ಲಿ ಇಲ್ಲವೆ? ಶಿವಮೊಗ್ಗದಲ್ಲಿ ಯಡಿಯೂರಪ್ಪ ಅವರ ಮಗನನ್ನು ಬಿಟ್ಟು ಇನ್ಯಾರೂ ಅಭ್ಯರ್ಥಿ ಇರಲಿಲ್ಲವೆ? ಎಷ್ಟು ಪಕ್ಷಗಳಲ್ಲಿ ಅಪ್ಪ-ಮಕ್ಕಳು, ಅಣ್ಣ- ತಮ್ಮ ಇಲ್ಲ? ಈ ಯಂಕ, ಸೀನ, ನಾಣಿ ಎಲ್ಲ ಯಡಿಯೂರಪ್ಪ ಅವರಿಗೆ, ನಮಗಲ್ಲ ಎಂದು ಬಿಎಸ್‌ವೈ ಹೇಳಿಕೆಗೆ ತಿರುಗೇಟು ನೀಡಿದ್ದಾರೆ.
ಉಪಚುನಾವಣೆಗಾಗಿ ನಾವು ವಿಧಾನಸೌಧಕ್ಕೆ ಬೀಗ ಹಾಕಿಲ್ಲ. ವಿಧಾನಸೌಧವೂ ನಡೆಯುತ್ತಿದೆ, ಉಪಚುನಾವಣೆಯೂ ನಡೆಯುತ್ತಿದೆ ಎಂದರು….
